Roger Hatchuel Student Academy 2026

Монголын Маркетингийн Холбоо энэ жил анх удаа Cannes Lions-оос зохион байгуулдаг Roger Hatchuel Student Academy 2026 хөтөлбөрт Монгол Улсаас оролцох оюутныг шалгаруулж байна. Уг академи нь дэлхийн 30 орны шилдэг 30 оюутанд зориулсан, 6 өдрийн турш бүтээлч салбарын манлайлагчдаас суралцах, ур чадвараа ахиулах боломж бүхий воркшоп сургалтын хөтөлбөр юм.

Монгол дахь зохион байгуулагчдын баг нийт материалаас 3 оюутныг урьдчилсан шатанд шалгаруулж, материалыг Cannes Lions-ын албан ёсны баг руу илгээнэ. Албан ёсны зохион байгуулагчид эцсийн шатанд оролцох 1 оюутныг сонгон, 2026 оны зун Канн хотноо зохион байгуулагдах Cannes Lions Festival of Creativity-д оролцох боломжийг олгоно.

Монголын Маркетингийн Холбоо шалгарсан нэг оюутанд нийт 20,000,000₮ үнэ цэн бүхий 100% тэтгэлэг мөнгөн бус хэлбэрээр олгоно. Үүнд: 

• Хоёр талын нислэг

• Зочид буудлын байр

• Өдрийн хэрэглээ (өдөрт 50€)

• Cannes Lions International Festival of Creativity-д оролцох эрх

Хэн оролцох вэ?
Оролцох хүсэлт гаргах оюутнууд дараах шаардлагыг хангасан байх:

• 18–25 настай болон 2026 онд бакалаврын зэргийг горилж буй эсвэл төгсөх курсын оюутан

• Зар сурталчилгаа, маркетинг, харилцаа холбоо, PR, медиа, дизайн, бизнес болон бүтээлч чиглэлд сонирхолтой, суралцдаг эсвэл ажилладаг

• Англи хэл дээр чөлөөтэй ойлголцох, өөрийгөө илэрхийлэх чадвартай

• Бүтээлч, шинийг санаачлагч, нийгмийн өөрчлөлтөд хувь нэмэр оруулах эрмэлзэлтэй

• Нээлттэй, төрөл бүрийн орчинд дасан зохицох чадвартай, соёлын ялгаа болон хүйсийн эрх тэгш байдлыг хүндэтгэдэг

  
  

Хэрхэн оролцох вэ?
Дараах материалуудыг бүрдүүлэн илгээнэ үү:

• CV / Хувийн танилцуулга (Монгол болон Англи хэл дээр)

• 2 минутын видео (Англи хэл дээр), дараах асуултад хариулсан байх:

  • Би хэн бэ?

  • Би яагаад өөрийгөө бүтээлч гэж хэлэх вэ?

  • Би яагаад RHSA-д тэнцэх ёстой вэ?

• Сонгогдсон тохиолдолд Cannes Lions-ын вэбсайт дээр нийтлэгдэх 1 фото зураг

Шалгаруулалтыг шүүх үндсэн шалгуур: 

• Өөрийгөө илтгэх чадвар болон контентын чанар (Storytelling & video quality)

• Англи хэлээр харилцах, ойлголцох, илэрхийлэх ур чадвар  (English proficiency)

Анхааруулга: 
Хүсэлт хүлээн авах хугацаа: 2026.01.20-г хүртэл
И-мэйл хаяг: info@marketing.org.mn
Материалыг дээрх хаяг руу 
“RHSA 2026 Application – Овог Нэр” гэж гарчиглан онлайн хэлбэрээр илгээнэ үү.

Хувь хүний болон мэргэжлийн өсөлтөө дэлхийн түвшинд сорихыг хүссэн, бүтээлч сэтгэлгээтэй залуус та бүхнийг энэхүү онцгой боломжид идэвхтэй хамрагдахыг урьж байна.